Psa 133 | KYG | STEP | Apakeyo, hu'na, Goti konaga vaya'amogimo magoke apaipa apakesamo alite'a magokepi lokae'a alagepa hu'a maisaya kava'apimo'mo alagepa kava'mo amuse hisaya kava'mo hane'niye.

Psalms 133

Mono notegamo ugefe nehaiya vaya'mo kate'mo nehai'apae'mo nehaya yokemae

1 Apakeyo, hu'na, Goti konaga vaya'amogimo magoke apaipa apakesamo alite'a magokepi lokae'a alagepa hu'a maisaya kava'apimo'mo alagepa kava'mo amuse hisaya kava'mo hane'niye. 2 Mani agufa alagepa kava'mo'a alagepa atumo ne'aiya uvelimo Goti'a ali'ya'amo alisayafe'mo lekana paino apate'niya vaya'ai apakufale'mo fale'a ne'apataya uveligana huno hane'niye. Eloni'a hogote vekamo mono huno ne'apateya vekamo agenopafi'mo ani agufa uvelimo laki'a ate'nageno emineno avenanapa ayokateti'mo yatala kukena'amo atupalegamo lamino kasae'niye. 3 Alagepa hu'a magokepi lokae'a ne'maiya kava'mo'a netepi'mo Hemoni avele'e Saiyoni avele'e'mo kahaule'mo lao ya'mo emineno nehaneya lao yakana huno hane'niye. Goti'a magoke apaipa apakesamo alite'a magokepi lokae'a alagepa hu'a ne'maiyategamo fiku hapa maeno ne'apamiyanage'a alagepa hu'a maige maige hu'a maigae.